Иллэрээ күн Сүбэ биир кыттыылааҕа төлөппүөннээн Пинигин Константин: “Илдьэ барбыт “Илин” сурунаалларым наһаа хамаҕатык тарҕастылар”, – диэтэ, өссө ыытар кыах баарын сураһар диэн ууга-уокка түһэрдэ.
“Илин” сурунаал кырдьык нууччалыы-сахалыы суруллар уонна култуураны дириҥник хаһан суруйар буолан, кырдьык кимиэхэ баҕарар кэрэхсэбиллээх буолуо. Онон сурунаал эрэдээксийэтигэр тахса сылдьыам. Көмө буолуохтара дии саныыбын. Сүбэбитигэр эрэдээктэри солбуйааччы баара да онно мэктиэ буолар.
Мин онтон сиэттэрэн маннык санаалаахпын. Оттон арай Константииҥҥа уонна да атын онно олорор сахаларга биирдиилээн дьон кинигэ ыыталлара буоллар диэн. Баҕар онно олорор дьон үксүлэрэ саха тылын билбэт да буоллуннар, нууччалыы сурунааллары уонна Саха сирин суруйааччыларын нууччалыы кинигэлэрин да ыыттахпытына хайдаҕый? Биирдии-иккилии да буоллун ээ. Бу кинилэр санааларыгар төһөлөөх үчүгэй, хайдах курдук турук көтөҕүүлээх буолуо этэй?!
Бүгүн Аарка бөһүөлэк аадырыһын биэрэбин, онтон кэлин атын да аадырыстары эбэн иһиэхпит дии саныыбын.
682499, Красноярский край, Охотский район, п. Арка, ул. Набережная, 20,
Пинигину Константину.
p.s. Билэр аадырыскытын комментарийга суруйуҥ.
Кыым
