ЫҤЫРЫЫ

Аччыктаабыты аһатар, тоҥмуту ириэрэр, иэдээҥҥэ түбэспиккэ илиитин уунар аһыныгас санаалаах, аламаҕай майгылаах САХА ДЬОНО!

Ааспыт үйэҕэ адаҕыйан ааспыт былаас анысхан тыалларынан, силлиэнэн-холоругунан саха аймах үүт тураан олоҕун атыйахтаах уулуу аймаабыта. Ол түмүгэр Хоту Сэйимчээн сахалара, Илин Лаамы сахалара, Соҕуруу Бодойбо сахалара, Арҕаа Дьэһиэй сахалара Ийэ сирдэриттэн быстан-ойдон атын кыраай, туспа уобалас сиригэр-уотугар киирбиттэрэ.

Аҕыйах буолар атарахсытыылаах, кырыы сир кыһалҕалаах, туспа дойду туһунан майгылаах! Баара эрэ 80-ча сыл иһигэр Ийэ сирдэриттэн быһа анньыллыбыт саха дьоно барахсаттар атын улуу омук тылыгар-өһүгэр, сиэригэр-майгытыгар уһуйуллан, ыччат дьоно сахалыы саҥаттан, сахалыы майгыттан, сиэртэн-туомтан тэйитиллэн атын омуктуун сууралла быһыытыйда. Кинилэргэ аналлаах сайдыы оҥкула суох буолан, олох-дьаһах өттүнэн олус диэн хаалаахтаабыттар.

Ол кинилэр буруйдара буолбатах!

Ааспыт 80-ча сылга Ийэ сирдэриттэн быстан-ойдон олорор сахалартан ийэ тылларын иҥэринэн, сахалыы сиэри-туому арыый да тутуһан кэлбит дьон – Дьэһиэй сахалара.

Дьэ, бу хаан-уруу дьоммут барахсаттар кулун тутар саҥатыгар оскуолалара, оҕо саадтара умайан биир түүн иһигэр илии соттон хааллылар! Онто да суох инчэҕэй тирбэҕэ быстыбатынан саха буолан сыккыраан олорбут дьон баар-суох үөрэхтэрин-билиилэрин кыһата, оҕолорун биһигэ уот аһылыга, күл-көмөр буолбута туһааннаах дьоҥҥо төһөлөөх ыар охсуу буолуой?!

Дьэһиэй оскуолатын уокурук киинигэр көһөрөллөрүн олохтоохтор сөбүлэспэтэхтэрэ, билигин бөһүөлэк кэҥэс соҕус дьиэлэрин оскуола оҥорон үлэлии сатыы олороллор.

Тас сахалар иэдээннэрин ис сүрэҕиттэн өйдөөн, тыл үөрэхтээҕэ, учуонай, сэрии бэтэрээнэ, ытык кырдьаҕас Мэхээлэ Воронкин Дьэһиэй оскуолатыгар 50 тыһ. солк. тус бэйэтин харчытын сиэртибэлээтэ.

Аччыктаабыты аһатар, тоҥмуту ириэрэр, иэдээҥҥэ түбэспиккэ илиитин уунар аһыныгас санаалаах, аламаҕай майгылаах САХА ДЬОНО!

Чэҥ-муус дойдуга олох уотун сириэдиппит Урааҥхай удьуордара хайдах этибитий?!

«Тас сахалар» түмсүү Сүбэтэ.

Бу ыҥырыы “Кыым” хаһыат кулун тутардааҕы бүтэһик нүөмэригэр бэчээттэммитэ. Ил-Саха саайт эмиэ бэчээттээбитэ.

Краткая справка об ОКС “Тас сахалар”

«Тас сахалар» Сүбэ
Общественный координационный Совет «Тас сахалар»
(Справка)

Совет создан решением собрания общественности прошедшем 13 ноября 2009 года в г. Якутске.
Цель создания: координация действий общественности Республики Саха (Якутия) по культурным связям с локальными группами этнических саха и долган, проживающими вне пределов республики.

Основные направления деятельности:
а) Налаживание культурных контактов;
б) Изучение социально-экономического положения;
в) Изучение особенностей культуры и языка;
г) Содействие в формировании единого информационного пространства.

Состав Совета:
Председатель: Павлов Николай Николаевич, кандидат медицинских наук, генеральный директор ЗАО «Центр иммунопрофилактики», тел. +79246618833
Заместитель председателя: Васильев Василий Егорович – Харысхал, писатель
Секретарь: Попова Александра Лукинична, учитель, член объединения молодых писателей, в Совете также ответственна за связи с Амурской областью.
Члены:
1.Андросов Г.Г. — газета «Саха Сирэ», отв.за связи с Магаданской областью.
2.Гаврильев И.И. — газета «Кыым», отв. за Красноярский край
3.Васильев Ю.И. Дьаргыстай — ЯГУ, доцент, отв. за Хабаровский край, Удские саха;
4.Ершов М.М — СК «Модун», связи со спортивными организациями;
5.Иванов М.С. — заслуженный учитель РС(Я), автор книг про якутов живущих вне Якутии, консультант;
6.Николаев А.А. — Департамент по делам народов и федеративным отношениям, отв. за взаимодействие с органами власти;
7.Саввинов А.И — отв. связи с научной общественностью и Таймыром;
8.Скрябин Е.В. — журнал «Илин», отв. за работу с учащейся молодежью, и российскими и международными этнокультурными организациями и сообществами;
9.Пинигин К.Г. — представитель Хабаровских саха, отв. за работу с охотскими саха;
10.Фадеев И.Н. — горный инженер, отв. за работу с долганами Таймыра.

Сайт: http://tassakhalar.wordpress.com/
Эл. почта: tassakhalar@gmail.com
Телефон для контактов: +7 924 6618833

Бастакы биллэрии

«Тас сахалар (Якуты вне Якутии)» Саха Бикипиэдьийэтэ уонна Саха Национальнай бибилитиэкэтэ сэтинньи 13 күнүгэр, 16 чаастан Бибилитиэкэ конференц-саалатыгар көрсүһүү тэрийэллэр.

Кэпсэтии соруга — тас сахалар диэн кимнээхтэрин быһаарсыы, тоҕо Саха сирин тас өттүгэр баар буолбуттарын токкоолоһуу, олохторун-дьаһахтарын, кэнникилэрин-инникилэрин ырытыһыы, билиҥҥи кэмҥэ биһиги өттүбүттэн туох эмэ көмөҕө наадыйалларын билии. Эбэтэр бу дьоммут биһиэхэ бэйэбитигэр тугунан эмэ көмөлөһөр кыахтаахтара буолаарай?

Бу омос көрдөххө толоос соҕус ыйытыы курдугун иһин, иһэ истээх — кинилэр уонна биһиги култуурабыт хартыыната биир бүтүн хартыынаны көрдөрүөн сөп, биһиги учуонайдарбыт таайбатах таабырыннарын таайарга көмө буолуон сөп. Аны, кинилэр билиҥҥи олохторо биһиги инникибитин сырдатан, ырылыччы көрдөрүөн сөп диэччилэр эмиэ бааллар.

Кытталлар: инженер-геолог Фадеев Иннокентий Николаевич: Таймыыр сахаларыгар ыалдьыттааһын. Хаартыскалар, видеозарисовкалар, кинигэлэр; Хабаровскай төрүт сахата Пинигин Константин Георгиевич: Мы — якуты. Хабаровскайга сахалар ханан түөлбэлээн олороллоро, тугунан дьарыктаналлара, туруктара; Баһылай Харысхал, суруйааччы; саха тылын уонна култууратын чинчийээччилэр; «Саха сирэ» хаһыат; «Кыым» хаһыат; НВК «Саха» устар бөлөҕө; Сахалыы Бикипиэдьийэ кыттаачылара.

Саха устуоруйатын, култууратын сэргээччилэри, омук кэскилин тургутааччылары, кэлэн сылдьан ыалдьыттыыргытыгар, дьон этэрин-тыынарын истэн, бэйэ-бэйэҕитин кытта билсэн-кэпсэтэн бараргытыгар ыҥырабыт.

“Тас сахалар” саайт туһунан

Бу “Тас сахалар” Сүбэ саайта.

Сүбэ 2009 сыллаахха сэтинньи 13 күнүгэр Дьокуускайга буолбут саха уопсастыбаннаһын мунньаҕын быһаарыытынан тэриллибитэ. Тэриллибит соруга: былыргыттан Саха сирин таһыгар түөлбэлээн олорор сахалары кытта ситими олохтооһун.

Садааччалара: Саха сирин таһыгар былыргыттан түөлбэлээн олорор, бэйэлэрин сахаларбыт диир дьону (мантан аллара “тас сахалары”) кытта алтыһыы, кинилэр туох кыһалҕалаахтарын быһаарыы, туора-туспа, ойдон олорор дьоҥҥо саха култууратын, эйгэтин чугаһатыы. Кинилэргэ көмөлөһүөн баҕалаахтарга сүбэ-ама биэрии.